Бұл пирамида Қазақстанда да жұмыс істеген
Украина қауіпсіздік қызметі (УҚК) 20 адам қатысқан B2B Jewelery қаржылық пирамида жұмысын әшкереледі. Қылмыскерлер 600 мыңнан астам салымшының 250 миллион долларын жымқырып үлгерген, деп хабарлайды Azattyq Rýhy тілшісі LIGA.net-ке сілтеме жасап.
«27 тамызда тәртіп сақшылары Киев, Винница облыстары мен Одессада 48 жерден іздеу шараларын жүргізген. Сот қылмыскерлердің мүлік активтерін: банк шоттарын, жылжымалы және жылжымайтын мүліктерін тәркілеген», - деп жазады басылым.
Ресми түрде B2B Jewelry қарапайым зергерлік бөлшек сататын мекеме ретінде жұмыс істеген. Компания Украинаның барлық ірі қаласында, сондай-ақ Ресей мен Қазақстанда (Нұр-Сұлтан) 100-ге жуық дүкен ашқан.
Дүкендерде зергерлік бұйымдар сатылған. Бірақ сатып алушыға кэшбэк ұсынылған - бұл банк картасына төленген соманың 104 пайызы қайтарылуы.