Жамбыл облысында қарақұйрық атқан 2 азамат ұсталды

26 тамыз сағат 12:30 шамасында «Охотзоопром» ӨБ қызметкерлері Жамбыл облысы Байзақ ауданына қарасты «Есқара» құм өңірінде жол талғамайтын «Тойота» автокөлігінің ізіне түсіп, түнгі сағат 5 шамасында көлікті тексеру үшін тоқтатты. Тексеру барысында​ ҚР Қызыл кітабына енген екі қарақұйрық аңын заңсыз атып алған Байзақ ауданының екі азаматы ұсталды.

Экология министрлігінің хабарлауынша, ұсталған азаматтарға қатысты ҚР Қылмыстық кодексінің 337-бабы бойынша қылмыстық іс қозғалып, тергеу жүргізілуде.