Қайғылы оқиға Донской тау-кен байыту комбинатында болған
Ақтөбе облысының Хромтау ауданындағы «Болашақ» шахтасында өтіп кеткен тау жынысы опырылып, жұмысшы қаза тапты. Қайғылы оқиға 2026 жылғы 20 қазанда Донской тау-кен байыту комбинатында болған, деп хабарлайды Azattyq Rýhy.
Белгілі болғандай, жұмысшы сақтандыру бекітпесін орнату кезінде көз жұмған.
«Қазхром» компаниясы таратқан мәліметке сәйкес, шахтада жұмыс жүргізу барысында тау жынысы опырылып, жұмысшы өміріне қауіпті жарақат алған. Ол оқиға орнында қаза тапты.
«Бұл туралы мемлекеттік органдарға хабарланды, тергеу жүргізіліп жатыр. Кәсіпорын басшылығы марқұмның туған-туыстары мен жақындарына қайғыра көңіл айтады. Компания отбасына қажетті көмек көрсетеді», – деп мәлімдеді кәсіпорын өкілдері.
Еске салайық, бұған дейін Ақмола облысындағы шахтада қайғылы жағдайдан екі күнде екі адамның көз жұмғаны туралы жаздық.