Қостанайда теміржолда жасөспірімді тоқ соғып, денесінің 70%-ын күйік шалды

Қостанайда 13 жастағы жасөспірім ауыр электр жарақатын алды. Оның қазіргі жағдайы туралы ақпаратты облыстық денсаулық сақтау басқармасы растады, деп хабарлайды Azattyq Rýhy «ТоболИнфо» ақпарат агенттігіне сілтеме жасап.

Белгілі болғандай, жасөспірімдер Қостанайға Рудный қаласынан келген. Балалардың бірін әуежай маңындағы локомотив депосының аумағында ток соққан. Оның денесін ауыр күйік шалып, зақымданған аумақ шамамен 70%-ды құрады.

Қостанай облысының денсаулық сақтау басқармасы баланың жағдайы ауыр екенін растады.

«Бала жансақтау бөлімінде жатыр. Қажетті ем қабылдап жатыр. Қазіргі уақытта қан компоненттерін құюды қажет етпейді», – деп мәлімдеді Қостанай облысының денсаулық сақтау басқармасы.