Әйел 17 жыл бірге тұрған күйеуімен 5 жыл бұрын ажырасқан
Батыс Қазақстан облысында полиция 20 шілде күні әйелі мен 12 жастағы қызын өртеп жібермек болған ер адамды қамауға алды, деп хабарлайды Azattyq Rýhy тілшісі «Орал апталығы» басылымына сілтеме жасап.
«Ғалымжан Саққазов 23 шілде күні ұсталды. ҚР ҚК-нің 202-бабы 2-тармағы бойынша қылмыстық іс қозғалды. Бұл - 7 жылға дейін бас бостандығынан айыру жазасы қарастырылған ауыр қылмыс. Қазір жеңілдетілген тәртіпте іс 15 күн ішінде сотқа беріледі, себебі күдікті өз кінәсін толық мойындады», - деді Зачаган полиция бөлімінің бастығы Тимур Айтуғанов
Айта кету керек, әйел 17 жыл бірге тұрған күйеуімен 5 жыл бұрын ажырасқан. Ғалымжан Саққазов 20 шілде күні үйдің үстіне бензин құйып, есікті жауып, өртеп жіберген. Әйел мен бала қашып үлгерген. Ал полицейлер күдіктіні ұстап, келесі күні таңертең босатып жіберген.