ШҚО-да жол компаниясының бастығы таныстарына «сырттай» айлық төлеген - ол амнистияға іліне алмады

Шығыс Қазақстанда жол саласындағы лауазымды тұлғаға берілген амнистия күшін жойды, деп хабарлайды Azattyq Rýhy.

Облыстық сот республикалық маңызы бар автожолдарды күтіп ұстаумен айналысқан «ҚАЖсервис» ЖШС филиалындағы жалған жұмысқа орналастыру фактісі бойынша істі қарауды аяқтады.

Сот анықтағандай, кәсіпорынның бұрынғы директоры іс жүзінде жұмысқа шықпаған адамдарды ресімдеп, оларға жалақы төлеп келген. Уақытты есепке алу табельдері мен қаржылық құжаттар лауазымды тұлғалар мен олардың туыстарының өтініші бойынша бекітілген.

Бірінші сатыдағы сот айыпталушыға амнистия қолданылғанын дұрыс деп тапқан, алайда көлік прокуратурасының өтінішхаты бойынша апелляциялық инстанция бұл шешімнің күшін жойды.

Кінәлі тұлға сотталды, мемлекетке келтірілген шығын толық көлемде өндірілді.

Сот үкімі заңды күшіне енді.