Құтқарушылар 30 метр биіктіктегі өртті сөндіруге мәжбүр болды
Павлодар қаласында салынып жатқан жаңа көпір нысанында ірі өрт болды. Төтенше жағдайлар департаментінің мамандары отты 30 метр биіктікте сөндіруге мәжбүр болды, деп хабарлайды Azattyq Rýhy.
Оқиға демалыс күніне қараған түні болған. Өрт сөндірушілер шақырту орнына жеткенде, салынып жатқан көпір конструкцияларының жанғаны анықталды.
Өрт жерден шамамен 30 метр биіктікте басталған, бұл сөндіру жұмыстарын айтарлықтай қиындатты.
Алдын ала мәлімет бойынша, көпірдің оқшаулағыш материалдары мен қалыптардың ағаш элементтері отқа оранған.
Павлодар облыстық ТЖД өкілдерінің хабарлауынша, өрт сөндірушілер отты бақылауға алып, қысқа мерзімде толық сөндіріп үлгерген.
Мамандардың кәсібилігінің арқасында тілсіз жаудың көпірдің бүкіл конструкциясына жайылуына жол берілмеді.
Оқиға салдарынан қаза тапқандар мен жарақат алғандар жоқ. Қазіргі уақытта мамандар өрттің неден шыққанын анықтап жатыр.
«Құрылыс нысанындағы өрт қауіпсіздігі ережелерінің сақталуы — мұндай стратегиялық жобалар үшін өте маңызды. Қазір тергеу амалдары жүріп жатыр», — деп хабарлады ведомстводан.