ШұғылЖелтоқсан-қаңтар айларында Қазақстанда карантин күшейтілуі мүмкін

22 наурыздан бастап Нұр-Сұлтан мен Алматы қалаларынан ұшатын әуе рейстері тоқтатылады

Мұндай шектеу халықаралық және жүк рейстеріне қойылмайды

Фото: ашық дереккөзден

Қазақстан аумағында жарияланған төтенше жағдай режимін қамтамасыз ету мақсатында 22 наурыз сағат 00:00-ден бастап халықаралық және жүк рейстерін қоспағанда, барлық қазақстандық әуе компанияларының Нұр-Сұлтан және Алматы қалаларынан ұшатын тұрақты және тұрақты емес (чартерлік) жолаушылар рейстері тоқтатылады. Бұл туралы Азаматтық авиация комитетінің баспасөз қызметі хабарлады.

«Нұр-Сұлтан қаласынан Алматы, Балқаш, Талдықорған, Петропавл, Тараз, Шымкент, Жезқазған, Қызылорда, Орал, Өскемен, Павлодар, Семей, Ақтау, Атырау, Ақтөбе, Қостанай және т. б. қалаларға 16 ішкі бағыт бойынша аптасына 320 тұрақты рейс, Алматы қаласынан Нұр-Сұлтан, Балқаш, Көкшетау, Петропавл, Тараз, Шымкент, Жезқазған, Қарағанды, Қызылорда, Орал, Өскемен, Павлодар, Семей, Үржар, Ақтау, Атырау, Ақтөбе, Қостанай және т. б. қалаларға аптасына 295 тұрақты рейс тоқтатылады», - делінген ақпаратта.

​Министрліктің хабарлауынша, әуе компаниялары төтенше жағдай режимі қолданылатын кезеңде әуе билеттерін айыппұлсыз және толық көлемде қайтаруды рәсімдеуі қажет. Азаматтық авиация комитеті азаматтардың шоғырлануын болдырмас үшін жолаушыларға 2020 жылғы 22 наурызда сағат 00:00-ден бастап Нұр-Сұлтан және Алматы қалаларының әуежайларына бармауды ұсынады.