Коронавирус: Тоқаев Үкімет басшысына тапсырма берді

Бүгін Мемлекет басшысы Қасым-Жомарт Тоқаев ҚР Премьер-министрі Асқар Маминді қабылдады. Бұл туралы Ақорда сайты хабарлайды.

«Кездесу барысында коронавирустың таралуы салдарынан әлемдік нарықтағы қалыптасқан жағдайға байланысты Қазақстан экономикасының қазіргі ахуалы мен оны дамытудың перспективалары қарастырылды. Қазақстан Президенті Үкіметке ұлттық экономиканың тұрақты өсімін қамтамасыз ету, жоспарланған құрылымдық реформаларды жүзеге асыру, халықтың қажеттіліктерін өтеу үшін жедел шаралар қабылдауды тапсырды», - делінген хабарламада.