ШұғылЕлімізде өткен тәулікте 855 адамнан коронавирус анықталды

Мемлекет құс тұмауынан зардап шеккен қанша шаруашылыққа өтемақы төледі?

Құс тұмауынан зардап шеккендерге өтемақы төленіп бітті

Фото: ашық дереккөзден

Ветеринариялық бақылау және қадағалау комитеті жоғарғы патогенді құс тұмауынан өлген құстар үшін өтемақыны төлеуді аяқтады. Бұл туралы Ауыл шаруашылығы министрлігінің баспасөз қызметінен хабарланды.

Эпизоотияға қарсы іс-шаралардың аяқталуына және өлім-жітім (құстардың) тіркелмеуіне байланысты құс тұмауы тараған 8 өңірде карантин алынып тасталды. Ауру ошақтарын оқшаулау және жою бойынша іс-шаралар барысында 1,9 млн құс жойылды, олардың 97%-ы 4 құс фабрикасына тиесілі.

«2020 жылдың желтоқсанында «Республикалық эпизоотияға қарсы отряд» РММ-сі орташа айлық нарықтық құны бойынша індеттің кесірінен өлген құс иелеріне өтемақы төлеу жұмыстарын жүргізді. Ветеринариялық-санитариялық қағидаларға сәйкес тәркіленген және жойылған құстардың құнын өтеу «жоғарғы патогенді құс тұмауы» індетінен өлгенін растайтын құжаттар негізінде атқарылды. Олар болмаған жағдайда төлем жүргізілмейді», - делінген хабарламада.

Ұсынылған құжаттар бойынша төлем толық көлемде жүргізілді. Атап айтқанда, жеке қосалқы шаруашылықтарына 94 470 бас үшін 295,3 млн теңге, «Агроинтерптица» ЖШС-ға 433 066 құс үшін 445,9 млн теңге төленді.

Еске салайық, Арқалық құс фабрикасы АШМ-ге қарасты үш құрылымды сотқа берді. Талап етуші тарап құс тұмауынан қырылған құс басы үшін өтемақы толық берілген жоқ деп есептейді.