Карантин жағдайында тоқтап тұрған кей жолаушылар пойызы 2 тамызға дейін жүрмейді

Карантин кезінде уақытша тоқтап тұрған кейбір жолаушылар пойызы тағы екі апта қатынамайтын болды. Бұл туралы «Жолаушылар тасымалы» АҚ баспасөз қызметі хабарлады.

ҚР Мемлекеттік комиссиясының 2 шілдедегі шешіміне, бас мемлекеттік санитар дәрігердің 3 шілдедегі қаулысына сәйкес, коронавирус инфекциясының таралуына жол бермеу мақсатында төменде көрсетілген жолаушылар пойызының уақытша тоқтатылуы тағы 2 аптаға ұзарады:

• 1. № 31/32 «Алматы-2 – Павлодар» пойызы.
• 2. № 258/257 «Нұр-Сұлтан-1 – Достық» пойызы
• 3. № 3/4 «Нұр-Сұлтан-Нұрлы Жол - Алматы-2» пойызы
• 4. № 68/67 «Нұр-Сұлтан-Нұрлы Жол - Өскемен-1» пойызы.

Аталған пойыздарға билет алған жолаушылар жол жүру құжаттарын қайтарып, ақшалай қаражатты толық көлемде ала алады. Жолаушылар пойызының қозғалыс кестесі бойынша барлық анықтамалық ақпаратты «105» нөмірі бойынша білуге болады.