Жеке инвестициялардың өсімі 30,3%-ға дейін жеделдеген
Алматы қаласының әкімі Ерболат Досаев Орталық коммуникациялар қызметінде өткен брифингте мегаполисте жоғары инвестициялық белсенділік сақталып отырғанын атап өтті, деп хабарлады Azattyq Ruhy.
«Мәселен, 2023 жылдың 11 айында негізгі капиталға 19,9% өсіммен 1,5 трлн теңгеден астам инвестиция тартылды Сонымен қатар жеке инвестициялардың өсімі 30,3%-ға дейін жеделдеді.Инвестициялар құрылымында IT-секторды 7,3 есеге, денсаулық сақтауды 3,7 есеге, өңдеу өнеркәсібін 19,2 пайызға және туризмді 2 есеге дамытуға баса назар аударатын сапалы өзгерістер бар», - деді Алматы әкімі.
Жоғары инвестициялық белсенділік пен экономиканың серпінді дамуы ағымдағы жылдың 8 желтоқсанында Fitch Ratings тарапынан Алматының кредиттік рейтингін «ВВВ» деңгейінде «Тұрақты» болжаммен растауға мүмкіндік берді.
Атап өткендей, экономикалық өсім драйверлері 17,7% өсіммен өңдеу өнеркәсібі болды.
«Қарашада жылдық инфляция 10,5%-ға дейін баяулады. Еңбек нарығындағы жағдай жақсарып келеді. 79,5 мың жұмыс орны құрылды, оның 80 пайызы тұрақты», - деді Е.Досаев.
Ол атағандай, 2023 жылдың қорытындысы бойынша Алматы экономикасының өсімін 6,5% - ға дейін жеделдету күтілуде, бұл жан басына шаққандағы ЖӨӨ-ні 21,2 мың АҚШ доллары деңгейінде қамтамасыз етуге мүмкіндік береді.
Авторы: Аягөз ҚҰРМАШ