Өңірлер арасында ең жоғарғы өсім Маңғыстау, Абай, Түркістан және Павлодар облыстарында байқалды
Ұлттық экономика вице-министрі Азамат Әмрин Үкімет отырысында экономика өсімі жайлы айтты, деп хабарлайды Azattyq Ruhy тілшісі.
Вице-министрдің мәлімдеуінше, елімізде қантар-тамыз айларының қорытындысы бойынша Қазақстан экономикасының өсу қарқыны 4,9%-ке жетті.
«Нақты сектор – 4,4%-ке, ал қызмет көрсету саласы – 4,8%-ке өсті.
Негізгі салалардың барлығында оң динамика байқалуда, әсіресе құрылыс, сауда, сондай-ақ ақпарат және байланыс ең жоғары өсімді көрсетті. Негізгі капиталға салынған инвестициялардың өсу қарқыны - 12,2%», – деді Әмрин.
Оның атап өтуінше, инвестициялар ағыны көлік және қоймалауда – 49%-ке, білім беруде – 31,9%-ке, саудада – 30,1%-ке, ауыл шаруашылығында – 20,7%-ке, сондай-ақ өнеркәсіпте – 8,5%-ке, оның ішінде тау-кен өндіру өнеркәсібінде – 5,7%-ке өсті.
«Өңірлер арасында ең жоғарғы өсім Маңғыстау, Абай, Түркістан және Павлодар облыстарында байқалды.
Алдын ала қорытынды бойынша 2023 жылғы қаңтар-шілдеде сыртқы сауда тауар айналымы 5,7%-ке өсіп, 79,5 млрд доллар болды. Экспорт 44,8 млрд долларды құрап, оның ішінде өңделген тауарлар экспорты 14,2 млрд долларға жетті. Тауарлар импорты 34,7 млрд долларды жалпы, оң сауда балансы 10 млрд долларға тең», – деді вице-министр.
Авторы: Аягөз ҚҰРМАШ