Қазақстандықтардың басым көбі қай салаларда жұмыс істеп жүр

2023 жылдың II тоқсанында Қазақстан экономикасының түрлі салаларында 9,6 млн адам жұмыспен қамтылған, деп хабарлайды Azattyq Ruhy.

Ұлттық статистика бюросының мәләметінше, бүгінде елімізде 6,9 млн адам жалдамалы жұмыс түрімен қамтылған болса, өзін-өзі жұмыспен қамтығандар саны 2,2 млн-ға жеткен.

Салалар бойынша жұмыспен қамтылғандардың үлесі:

• сауда – 16,6%
• білім – 12,9%
• өнеркәсіп – 12,3%
• ауыл шаруашылығы – 12,2%
• құрылыс – 7,1%
• көлік және қойма – 7%
• денсаулық сақтау және әлеуметтік қызмет көрсету – 6,2%
• мемлекеттік басқару және қорғаныс; міндетті әлеуметтік қамсыздандыру – 5,8%
• басқа да қызмет түрлері – 3,9%
• кәсіби, ғылыми және техникалық қызмет – 3,1%
• әкімшілік және қосалқы қызмет көрсету – 3%
• тұру және тамақтану қызметтері – 2,4%
• қаржы және сақтандыру қызметі – 2,2%
• ақпарат және байланыс – 2%
• жылжымайтын мүлік операциялары – 1,6%
• өнер, ойын-сауық және демалыс – 1,5%.

«Өткен жылдың екінші тоқсанымен салыстырғанда жұмысшылар санының азаюы ауыл шаруашылығында байқалған – 19 мың адамға, жылжымайтын мүлік операциялары бойынша – 18,9 мың адамға, құрылыста – 9,5 мың адамға, өнеркәсіпте – 7 мың адамға, әкімшілік және қосалқы қызмет көрсету бойынша – 6,4 мың адамға, өнер және ойын-сауықта 6,3 мың адамға азайған», - дейді сарапшылар.

Қалған өзге салаларда қызметкерлер саны керісінше өскен.