Мұндай үлкен өсім соңғы бес жылдан бері болмаған
Ұлттық статистика бюросының деректері бойынша былтыр тұрғын үй құрылысы саласына 2 триллион 902,2 миллиард теңге инвестиция тартылған. Бұл 2021 жылмен салыстырғанда 16,8%-ға көп және соңғы бес жылдағы ең жоғары көрсеткіш болды, деп хабарлайды Azattyq Ruhy.
Саладағы оң динамиканың өсуіне жеке инвестициялардың бірден 607,6 млрд теңгеге, яғни 2 трлн 473,9 млрд теңгеге дейін ұлғаюы әсер еткен. Мұндай үлкен өсім соңғы бес жылдан бері болмаған.
«Сонымен бірге бюджеттік инвестиция көлемі де 405,2 млрд теңгеден 288,6 млрд теңгеге дейін қысқарды. Соның нәтижесінде инвестицияның жалпы көлеміндегі бюджеттік инвестиция үлесі кемінде бес жыл ішінде небәрі 9,9% болды», - деп жазады DataHub telegram-арнасы.
Айта кетерлігі, бюджеттік инвестициялар құрылымындағы көпжылдық минимумға республикалық бюджеттен бөлінген қаражат есебінен – 29,2 млрд теңге жеткен. Алты облыс оларды мүлде алмаған, бұған дейін мұндай жағдай болмаған. Осылайша, негізгі ауыртпалық жергілікті бюджеттерге түсті.
«Жалпы инвестицияның жартысына жуығын екі қала – Астана (686,9 млрд теңге) және Алматы (598 млрд теңге) бастап отыр. Олардың өсу қарқыны сәйкесінше 10,9% және 16,9% құрады», - дейді сарапшылар.
Жалпы алғанда, өсім 15 облыста, әсіресе Жетісу (+57,8%) және Шығыс Қазақстан облыстарында (+54,2%) байқалады. Қалған бес облыстың ішінде инвестиция көлемі Атырау облысында (-45,1%) төмендеген кеткен.