Тыңдармандары әншінің туған күніне орай ерекше сыйлық жасады
Бүгін әлемге танымал қазақстандық әнші Димаш Құдайберген 29 жасқа толды, деп хабарлайды Azattyq Ruhy.
Әншінің туған күні құрметіне орай қытайлық табынушылары оған ерекше сыйлық жасады – Димаштың фотосуретінен құрастырылған бейнежазда Нью-Йорктегі әйгілі Times Square-де пайда болды.
«Сәлем, Таймс-сквер! Сәлем, әлем! Сәлем, 29 жас! Бәріңізге осыншама үлкен құрмет үшін көп рахмет!» - деп жазды әнші өзінің желідегі парақшасында.
Әнші әндерін сүйіп тыңдайтын тыңдармандар мен табынушылары оны туған күнімен құттықтап, шын жүректен ықылас-тілектерін арнап жатыр.