Аңызға айналған «Гүлдер» ансамблі қайта құрылады

Azattyq Rýhy

Ансамбльдің тұсаукесері желтоқсан айында өткізілмек

Аңызға айналған «Гүлдер» ансамблі қайта құрылады

Аңызға айналған «Гүлдер» ансамблі қайта құрылады. Бұл туралы Роза Бағланова атындағы «Қазақконцерт» мемлекеттік концерттік ұйымының директоры Ақтоты Райымқұлова мәлімдеді, деп хабарлады Elorda.info.

Биыл Қазақстанның 76 елмен құрылған дипломатиялық қарым-қатынастардың 30 жылдығы аталып өтіледі. Осыған орай «Қазақконцерт» мемлекеттік концерттік ұйымы «Әлем саз» атты халықаралық деңгейдегі жобаны бастады. Фестиваль аясында әртүрлі елдерден келген музыканттар, бишілер, аспапшылар, аспаптанушылар өз өнерлерін ортаға салады.

Сонымен қатар еліміздің брендіне айналған «Гүлдер» ансамблі қайта жаңғыртылып, «Қазақконцерт» аясында ашылады. Күрделі және кәсіби іріктеуден өткен жас талантты музыканттар, бишілер қазір дайындалып жатыр. Ансамбльдің тұсаукесері желтоқсан айында өткізілмек. 

Сондай-ақ, Биыл балалар жылына орай бірқатар жоба қолға алынды. 

«Арман асулары» атты ерекше қажеттіліктері бар инклюзивті талантты жастарға арналған жоба әкімшіліктермен және қоғамдық қорлардың қатысуымен жүзеге асырылады. Сонымен қатар Балалар филармониясы жазғы кино атты жобаларды жас бүлдіршіндерге ұсынуда. Жаз бойы 25 мыңнан астам бала «Қазақстан» орталық концерт залында отандық, кино, анимациялық туындыларды тамашалады», - деді А.Райымқұлова.

×
Бұл желілік ресурстың ақпараттық өнімдері 18 жастан асқан адамдарға арналған.