Раймның бұрынғы сүйіктісінің ұзату тойы желіде қызу талқыланып жатыр (ФОТО)

Танымал әнші Раймның бұрынғы сүйіктісі, Наргиза есімді ару ұзатылып, жаңа өмірге қадам басты. Бұл сәттің суреттері Instagram желісінде жарияланып, бірден жұрт назарын аударды. Желі қолданушылары ұзатылу тойының әсем атмосферасына тәнті болып, түрлі пікір жазуда, деп хабарлайды Azattyq Rýhy.

Әдемі көйлек, ұлттық нақыштағы сәукеле

• Наргиза тойда дәстүрлі сәукеле киіп, ұлттық нақыштағы сәнді көйлекпен ерекшеленді.
• Қолындағы гүл шоғы мен жүзіне жайылған күлкі желідегілердің жылы пікіріне себеп болды.
• Тойда қасында әкесі мен болашақ жары бірге жүрген кадрлар жарияланды.

Пікірлер: «Мына жігітке қимай тұрмын…»

Instagram-дағы пікір алаңында қыздың сұлулығына тамсанушылар өте көп болды. Арасында Райммен бұрынғы қарым-қатынасты меңзегендер де табылды.

«Мии қандай әдеміі қыз. Бірақ мына жігітке қимаймын. Әрине әркімдікі өзіне ай көрінер көзіне», – деп жазды бір қолданушы.

Тағы бір пікірде былай делінген:

«Бойында нәзіктік пен әдемілігі, қарапайымдылығы, адамгершілігі – қазақтың табиғи сұлу қызы. Өзінің өмірлік серігін тауып, ұясынан ұшып жатыр! Әдемі жұпқа баянды бақыт тілейміз »

Райм мен Ерке Есмахан

Айта кетейік, Наргиза – көпшілік арасында Раймның бұрынғы сүйіктісі ретінде танылған. Ал Райм қазіргі таңда танымал әнші Ерке Есмаханмен отау құрған. Осы тұрғыда, Наргизаның ұзатылуы көпшіліктің назарын аударып, әлеуметтік желілерде қызу талқыланып жатыр.

Еске сала кетсек, әнші Раймның бұрынғы сүйіктісі Наргиза Рамазанқызына сөз салған жігітке жұрт ақыл айтты. Ал Наргиза Рамазанқызының қазіргі сүйіктісі Жәнібек Ерболатұлы өткен өмірі жайлы сыр шерткен болатын. Бұған дейін оның болашақ жары ұсыныс жасағанын айтқан едік.