Ресми ақпарат: атақты Джеки Чан Маңғыстауға келіп, кино түсіретін болды

Әлемге аты әйгілі Джеки Чан және «Доспехи Бога: Ультиматум» фильмінің режиссері Роберт Кун жаңа киноларын Маңғыстау облысында түсіретін болды, деп хабарлайды Azattyq Rýhy.

Бұл ресми ақпаратты Маңғыстау облысы Қоғамдық коммуникациялар орталығы таратты. 

«Әлемдік кино жұлдыз Джеки Чан мен «Доспехи Бога: Ультиматум» фильмінің режиссері Роберт Кун жаңа киноны түсіретін негізгі алаңы ретінде Маңғыстау облысын ресми түрде бекітті», - деп хабарлайды дереккөз.

Қазір Маңғыстау облысын аралап жүрген команда облыстың табиғаты мен инфрақұрылымын көріп, «Доспехи Бога» фильмінің түсірілім орны ретінде Маңғыстауды таңдап алған.