Трамп Қазақстанның шетелдегі бітімгерлеріне казарма салатын ақшаны қысқартып тастады

АҚШ президенті Дональд Трамптың әкімшілігі шетелдік көмек көлемін тағы $5 млрд-қа азайтуға ниетті, деп хабарлайды Azattyq Rýhy.

New York Post дерегінше, қысқарған қаржының $3,2 млрд-ы АҚШ-тың халықаралық даму агенттігіне (USAID) бөлінуі тиіс болған. Қалған бөлігі мемлекеттік департаменттің түрлі қорларына қарастырылған.

Қаржыдан айырылған жобалар:

• $24,6 млн – Гондураста климаттың өзгеруімен күреске,
• $3,9 млн – бұрынғы Югославия елдерінде ЛГБТ идеологиясын ілгерілетуге,
• $2,7 млн – Оңтүстік Африкадағы демократияны дамыту қорына бағытталуы тиіс еді.

АҚШ басылымдары атап өткендей, бұл қорлардың кейбір жобалары қоғамда даулы пікір тудырған.

Сонымен қатар АҚШ бюджетіне $838 млн қайта қайтарылады. Бұл қаржы БҰҰ-ның Орталық Африка Республикасы мен Конго Демократиялық Республикасындағы бейбітшілік миссияларын қолдауға бөлінген еді.

Қысқартуға іліккен шығындар қатарында:

• Уругвайдан шыққан бітімгерлерге арналған $11 млн-ға бронетранспортер сатып алу,
• Замбияда оқу орталығын құруға бөлінген $4 млн,
• Қазақстаннан жіберілген бітімгерлерге казарма салуға жоспарланған $3 млн бар.