Ол Маск бақылаудан шығып кетті деп жазды
АҚШ-тың бұрынғы президенті Дональд Трамп Tesla негізін қалаушы Илон Масктың жаңа саяси партия құру идеясын қатаң сынға алды, деп хабарлайды Azattyq Rýhy DW-ге сілтеме жасап.
6 шілде күні журналистерге берген сұхбатында Дональд Трамп Масктың бастамасына ашық пікір білдіріп, оны «мағынасыз» және «бұрыннан сәтсіздікке ұшыраған жол» деп атады.
«Үшінші партиялар ешқашан жұмыс істеген емес. Маск көңіл көтергісі келсе, істесін. Бірақ бұл – күлкілі әрекет», – деді Трамп.
Ол кейінірек өзінің Truth Social платформасында Маск «бақылаудан шығып кетті» деп жазды.
4 шілдеде АҚШ Тәуелсіздік күніне орай Трамп Конгрестен «үлкен тамаша заңды» өткізіп, оған қол қойды. Бұл заң:
Трамптың айтуынша, дәл осы өзгерістер Масктың көңілінен шықпаған.
«Маск бұл заңды бастапқыда-ақ жек көрді. Ал біз оған: электромобильдерге қолдау болмайды дедік», – деді ол.
Оның үстіне, Трамп Tesla мен SpaceX секілді компаниялардың алған мемлекеттік субсидияларын тексеруге уәде берді.
«Бұл қолдау болмағанда, Маск әлдеқашан Оңтүстік Африкаға оралып, зауыттарын жапқан болар еді», – деп жазды Трамп Truth Social желісінде.
4 шілдеде Илон Маск әлеуметтік желіде «Америка партиясын құруымыз керек пе?» деген сауалнама жариялап, бір тәулікте 1,3 миллион адам қатысқан. Олардың 65 пайызы жаңа партияны қолдайтынын айтқан.
«2-ге 1 қатынас: сіздер жаңа партияны қалайсыздар – біз оны құрамыз!» – деп мәлімдеді Маск.
АҚШ саяси жүйесі дәстүрлі түрде екі ірі партияға – Республикалықтар мен Демократтарғасүйенеді. Үшінші партиялар бұған дейін бірнеше рет құрылса да, елеулі саяси салмаққа ие бола алған жоқ.
Трамп осы тәжірибені алға тартып: «Үшінші партия тек дүрбелең мен бөлінуге алып келеді. Ал онсыз да радикалды демократтардан зардап шегіп отырмыз», – деп түйіндеді.