Хантавирусқа қарсы препарат алғаш рет Еуропаның үш еліне жіберіледі
Еуроодақ хантавирус жұқтырудың жаңа жағдайларына байланысты шұғыл дәрі қорын дайындай бастады
Хантавирусты емдеуге арналған тәжірибелік вирусқа қарсы препараттың алғашқы дозалары Франция, Испания және Нидерландыға жөнелтіледі, деп хабарлайды Azattyq Rýhy.
Бұл туралы Еуропалық комиссия мәлімдеді.
Хантавирусқа қарсы нақты емдеу тәсілі болмағандықтан, Еуропалық дәрі-дәрмек агенттігі фавипиравир препаратын клиникалық сынақтар аясында қолдануға ең ықтимал үміткер ретінде таңдаған.
Хабарламада айтылғандай, жапониялық Fujifilm Pharmaceuticals компаниясы Франция, Испания және Нидерланды сұратқан 1 400 фавипиравир таблеткасын тегін берген.
Енді Еуропалық Одақ алдағы апталарда хантавирус жұқтырудың жаңа жағдайлары расталған жағдайда қосымша дозалармен қамтамасыз ету үшін шұғыл сатып алу рәсімдерін бастайды.
Еске салайық, бұған дейін Аргентинадан Кабо-Вердеге бет алған MV Hondius круиздік лайнерінде хантавирус өршігені туралы жаздық. ДДСҰ 11 адамнан хантавирус анықталғанын мәлімдеді. Оның тоғызында Андес вирусы расталған.
Сондай-ақ Британияда қауіпті вирусқа қарсы жаңа вакцина әзірленіп жатқаны айтылды.
Көп оқылған
