«Маған тұрмысқа шығасың ба?»: танымал актер отбасылы бола тұра әнші Ақботанұрға неліктен сөз салды (ВИДЕО)
Актер бұл оқиғаның бірнеше жыл бұрын болғанын айтты
Танымал актер Шерхан Пірназар осыдан бірнеше жыл бұрын отбасылы бола тұра әнші, актриса Ақботанұр Сейітмағамбетке неліктен сөз салғанын түсіндіріп берді, деп хабарлайды Azattyq Rýhy.
Шерхан Пірназар бұл жайлы Taboo бағдарламасына берген сұхбатында түсіндіріп берді.
Актердің айтуынша, ол кезде теледидардағы бағдарламалардың бірінде жүргізуші болған. Бағдарламаның рейтингін көтеру үшін Ақботанұр Сейітмағамбетке сөз салу туралы идеясын айтып, әріптесінің де, бағдарлама режиссерінің де рұқсатын алыпты. Айтуынша, ол бағдарламадағы көрініс түрінде жасалған ұсыныс екен.
«Бағдарламаның басын, не аяғын көрген жоқ. Үш сағаттық эфирді үш сағат бойы кім көреді? Ондайды күткен жоқпын. Бәрі бастады, «Мынау Ақботаға сөз салыпты» деп. Бәрі осыны көп айтқан соң Айжан (ред. – жұбайы) қызғана бастады. Сол сөзден біразға дейін құтыла алмай қойдым», - дейді актер Шерхан Пірназар.
