Қазақстандық теннисші WTA 500 сериялы турнирінің ширек финалына шықты

Отандасымыз жұптық сында жақсы нәтиже көрсетіп жүр

Фото: Olympic.kz

Теннистен Қазақстан әйелдер құрамасының өкілі Анна Данилина Нинбода (Қытай) өтіп жатқан WTA 500 сериялы турнирінің 1/8 финалында жеңіске жетті, деп хабарлайды Azattyq Rýhy.

Отандасымыз жұптық сында жақсы нәтиже көрсетуде. Ширек финалға шығу үшін Анна Данилина мен Александра Крунич (Сербия) Лаура Зигемунд (Германия) және София Кенин (АҚШ) жұбымен кездесіп, 6:2, 7:5 есебімен жеңіске жетті.

Айта кетейік, Данилина мен Крунич 1/4 финалда Николь Меличар-Мартинез (АҚШ) және Людмила Самсоновамен (Ресей) өзара мықтыны анықтайды.

Мақалада

#Қазақстан теннис федерациясы #теннис

Алдыңғы жаңалық

Футболдан Қазақстан құрамасы Солтүстік Македониямен тең ойнады