Оқулықтағы қатеге кім кінәлі – министр жауап берді

Оқулықта кеткен қателер үшін баспалар жауапкершілік алады. Бұл туралы оқу-ағарту министрі Ғани Бейсембаев айтты, деп хабарлайды Azattyq Rýhy.

Оның сөзінше, былтыр оқулықта кеткен қателер бойынша 26 резонансты ақпарат шыққан, оның 11-і расталған.

«Қате кеткен 11 кітаптың 8-ін ауыстырдық, қалғанын баспалар биыл ауыстырып жатыр. Оқулықтардағы қателерді болдырмау үшін кәсіпорындардың жауапкершілігі заңды тұрғыда күшейтіліп жатыр. Оқулық қате күйінде басылатын болса, баспа өз қаржысы есебінен қателіктерді жөндеуге міндетті», - деді Ғани Бейсембаев.

Министр мектеп бағдарламасын жаңарту үшін жаңа мемлекеттік стандарт талқыланып жатқанын атап өтті.