Тоғыз жылдан бері халықаралық іздеуде жүрген қылмыскер ұсталды

Ол 2015 жылы ауыр қылмыс жасаған

Түркістан облысында 9 жыл бойы халықаралық іздеуде болған ер адам ұсталды, деп хабарлайды Azattyq Rýhy.

«Арыс аудандық ішкі істер бөлімінің қызметкерлері 9 жыл бойы халықаралық іздеуде жүрген жергілікті тұрғынды анықтады. Осылайша, полицейлер Сайрам ауданындағы жалдамалы пәтердің бірінде іздеуде жүрген 35 жастағы қылмыскерді ұстады», - деп мәлімдеді полиция.

Оның 2015 жылдан бері қарумен ауыр қылмыс жасағаны үшін іздеуде жүргені анықталды. Ер адам қазір қамауда отыр. Тергеу барысында күдіктінің қылмысқа қатысы толық дәлелденіп, жинақталған материалдар заңды шешім қабылдау үшін сотқа жіберілді.

Мақалада

#Түркістан облысы #Арыс #қылмыскер #халықаралық іздеу

Алдыңғы жаңалық

Заңсыз алтын өндірген: арнайы тікұшақ көмегімен «кеншілер тобы» құрықталды