Мектептегі буллинг: Ақмола облысында 147 адам әкімшілік жауапкершілікке тартылды

Балалардың құқықтарын қорғау мақсатында Ақмола облысының прокуратурасы Телеграм мессенджерінде «URPAQ» боты құрылды. Жобаның мақсаты - кәмелетке толмағандардың құқықтарын бұзуға нөлдік төзімділікті қамтамасыз ету және қоғам мен мемлекет арасындағы диалог, деп хабарлайды Azattyq Rýhy.

«2024 жылдың басынан бастап ботқа қорқыту, бопсалау, ата-аналық міндеттерін орындамау, балалар жарақаты және т.б. фактілері бойынша 350-ден астам хабарлама келіп түсті. Мектептерде 10-нан астам буллинг фактісінің алдын алынды, 147 адам әкімшілік және тәртіптік жауапкершілікке тартылды, 1 адам атқаратын қызметінен босатылды», - деп хабарлады прокуратура.

Балаларға психологиялық көмек көрсетіледі, жасөспірімдер арасында суицидтік көңіл-күй фактілері жойылды, әлеуметтік және материалдық көмек көрсетілді және басқа да қылмыстық іс тіркелді.

«Мысалы, биыл қаңтар айында Көкшетау қаласындағы отбасылардың бірінде есірткі заттарын жүйелі қолдану туралы хабарлама келіп түсті. Прокуратура қызметкері шығып, хабарламаны тексергеннен кейін үйдегі балалар ойыншық шыныаяқынан марихуана табылды. ҚК 296-бабының 2-бөлігі бойынша сотқа дейінгі тергеу басталды», - делінген ақпаратта.

Ақмола облысы прокуратурасының жобасын облыстардың басқа прокуратуралары қабылдап, аумақтарда табысты іске асыруда.

Қазіргі уақытта бұл платформаны 60 мыңнан астам қолданушы пайдаланады.