«Күдікті қамауға алынды»: Алматыда ұрланған көліктер иелеріне қайтарылды

Алматыда көлік ұрлығымен және пәтер тонаумен айналысқан күдікті ұсталды, деп хабарлайды Azattyq Ruhy қалалық полиция басқармасына сілтеме жасап.

Криминалдық полицияның мәліметінше, 33 жастағы ер адам үш көлікті ұралып, екі пәтерді тонаған.

«Үш шетелдік автокөлік табылып, өз иелеріне қайтарылды. Күдіктінің екі пәтер тонауға қатысы бар екендігі белгілі болды: ұрлық жасамас бұрын ол бөтен адамдардың үйіне кіріп, көліктің кілтін ұрлап, көлікті айдап кетіп қалған. Қаскөй қазір қамауда. Оның басқа да ұқсас эпизодтарға қатысы бар-жоғы тексерілуде», - деді Алматы қалалық полиция Департаменті бастығының орынбасары Қуатбек Науатов.