Жетісу облысында жантүршігерлік жол апаты болды

38 жастағы әйел көлігін басқара алмай, аударылып кеткен

Фото: instagram.com/zhetysu.police Ақпарат дереккөзі: https://massaget.kz/basty-zhaalytar-438/89570/

Жетісу облысында BMW маркалы көлігі аударылып, бір әйел қаза тапты, деп хабарлайды Azattyq Ruhy облыстық Полиция департаментінің баспасөз қызметіне сілтеме жасап.

Жол апаты «Алматы-Өскемен» автожолының 323 шақырымында болды. 38 жастағы әйел көлігін басқара алмай, аударылып кеткен.

Апат салдарынан көлік салонында болған 49 жастағы әйел оқиға орнында көз жұмды. Жүргізушімен бірге тағы бір жолаушы дене жарақаттарымен Талдықорған ауруханаларының біріне жатқызылды.

Полиция барлық жүргізушілерді жылдамдық режимін қатаң сақтауға шақырады. Есіңізде болсын, жол ережесін елемеу қайғылы зардаптарға әкелуі мүмкін.

Мақалада

#жол апаты #Жетісу облысы

Алдыңғы жаңалық

Бірнеше өңірде ауа райы қолайсыз болады