Алматыда барахолка аумағында шыққан ірі өрт сөндірілді

Москвин көшесінде алдын ала ақпарат бойынша кеңсе заттары, керек-жарақтар, ұялы телефон заттары бар қоймалар өртенген

Фото: inform.kz

Алматының Төтенше жағдайлар департаменті барахолка аумағында шыққан ірі өрттің сөндірілгенін хабарлады, деп хабарлайды Azattyq Ruhy тілшісі Алматы ТЖД баспасөз қызметіне сілтеме жасап.

«Алматыдағы қоймаларда шыққан ірі өрт 12:22-де жойылды, зардап шеккендер жоқ, өртсөндірушілер өрттің көршілес ғимараттарға таралуының алдын алды», деп хабарлады Алматы ТЖД баспасөз қызметі.

Ведомство мәліметінше, өртті жоюға барлығы 120 адам мен ТЖД-ның 33 техникасы, сондай-ақ суды жеткізу үшін коммуналдық қызметтің 7 су тасымалдайтын көлігі мен Алматы қаласының Құтқару жұмыстары қызметі жұмылдырылған.

Мақалада

#Алматы #өрт #базар

Алдыңғы жаңалық

Жамбыл облысының диқандарына құрғақшылықтан келген шығын өтеледі – Әлихан Смайылов