ШұғылҚазақстанда өткен тәулікте 7,5 мың адам коронавирус жұқтырды

Астананың ескі және жаңа келбеті фотограф көзімен

Қала биыл 24 жылдығын атап өтеді

Фотолардың авторы Алиакбар Қадырбаев

Бұл қала 1830 жылы Есіл өзенінің жағасында орыс әскерлері негізін қалаған бекіністен бастау алады. Содан бері қала атауы бірнеше рет өзгерді: Акмолинск, Целиноград, Ақмола, Астана және Нұр-Сұлтан. Ал, астана статусын ол 1997 жылы 10 желтоқсанда алды.

Бүгінде Есіл өзенінің оң және сол жақ жағалауларында бой көтерген астана көркімен талайды сүйсіндіреді. Жаңа қаланың бас жоспарының атасы – Амстердамдағы Ван Гог мұра­жайы, Куала-Лумпурдың ха­лық­аралық әуежайы, Осака қаласының Ұлттық-экологиялық музейі, Бол­га­рия­дағы «Витоша» қонақ үйі, «Сони» корпорациясының мұ­на­расы сияқты жобалардың ав­то­ры, атақты жапон архитекторы Кисе Курокава.

Ку­ро­ка­ва­ның бас жобасы бойынша жү­зеге асырыла бастаған Ас­та­на­ның архитектуралық ансамблі бүгінгі заманның дизайні мен Азияның сәулет ко­лоритінің бірегей үндестігін құрайды.

2021 жылғы 1 мамырдағы жағдай бойынша, қаладағы түрғындар саны – 1,2 млн адамға жеткен.

Статистика комитетінің мәліметінше, 1998 жылдан бастап астанадағы негізгі капиталға салынған инвестицияның жалпы көлемі шамамен 7,4 трлн теңгені немесе 49,137 миллиард долларды құрады.

Әр түрлі кәсіпорындар мен компаниялардың жеке қаражатынан 20 миллиард доллар (жалпы көлемнің 40,7%-ы) түскен. Екіншіден, республикалық және жергілікті бюджеттерден 2,4 триллион теңге немесе шамамен 16,5 миллиард доллар бөлінді. Қарыз қаражаты, оның ішінде шетелдік қаражат есебінен кем дегенде 2,3 триллион теңге немесе шамамен 15,7 миллиард доллар инвестицияланды.

Нұр-Сұлтан қаласы экономикасын сауда, транспорт пен байланыс, құрылыс құрайды. Қазақстан экономикасының сауда секторының жалпы өніміне қосқан үлесі бойынша Нұр-Сұлтан қаласы Қазақстан Республикасының облыстары мен қалалары арасында Алматыдан кейінгі екінші орынды алады.