Оралда 65 жастан асқан қариялар көшеге бейсауат шықпайды

Орал қаласының бас мемлекеттік санитар дәрігері қала тұрғындары арасында коронавирус инфекциясы таралуының алдын алу мақсатында, сондай-ақ эпидемиологиялық жағдайды ескере отырып жаңадан шектеулер енгізді.

Орал қаласының аумағында:

• 65 жастан асқан адамдардың себепсіз көшеге шығуына шектеу қойылады;
• Демалыс күндері ауыл шаруашылық, азық-түлік жәрмеңкелерін өткізуге тыйым салынады;
• Демалыс күндері қоғамдық көліктердің жұмысы тоқтайды.

Орал қаласы әкіміндігі мен қалалық полиция басқармасы төменде көрсетілген жабайы сауда орындарын жоюы тиіс:

• «Мирлан» базарының ауданы - Досмұхамедов көшесі;
• «Жайық дүкеннің» ауданы - Әбілқайыр хан даңғылы, 155;
• «Юбилейная» аялдамасының ауданы - Н. Назарбаев даңғылы;
• «Школьник сауда үйінің» ауданы - Құрманғазы көшесі;
• Бұрынғы «Султан» базары - Абай даңғылы 90/2в;
• «Жеңіс сауда үйіне» қарама-қарсы 6 шағынаудан;
• «Аяжан сауда үйіннің» ауданы - Әбілқайыр хан даңғылы, 155;
• «Ақжол» базараның ауданы - Құрманғазы көшесі;
• «Өнім» базарының ауданы - Гагарина көшесі.