Air Astana Иран әуе кеңістігінің жабылуына байланысты рейстердің маршрутын өзгертті

Air Astana әуе компаниясы Шарм-эль-Шейх, Дубай, Доха және Мединаға орындалатын рейстердің маршрутын өзгертті, деп хабарлайды Azattyq Rýhy.

Оған Иран әуе кеңістігінің жабылуы себеп болған.

«Air Astana Иран әуе кеңістігінің жабылуына байланысты кейбір тұрақты және чартерлік рейстерінің маршруттық жолдары өзгергенін хабарлайды. Шарм-эль-Шейх, Дубай, Доха және Мединаға рейстер Иран әуе кеңістігін айналып ұшады», - делінген әуе компаниясының хабарламасында.

Air Astana жағдайды мұқият бақылап отыр. Компания жолаушылардан рейстердің мәртебесін тексеруді сұрады, себебі кестеде өзгерістер болады.