КВИ жұқтырғандардың үлесі 20-40 жас аралығындағылар – Алматы қаласының Бас дәрігері

Azattyq Rýhy

Алматы үшінші күн қызыл аймақта тұр

Фото ашық дереккөзден

Алматы қаласында КВИ бойынша эпидемиологиялық жағдай күрт нашарлады, ҚР бойынша эпидемиологиялық жағдайды бағалау матрицасында қала үшінші күн «қызыл» аймақта орналасқан. Бұл туралы Алматы қаласы Бас мемлекеттік санитар дәрігері Қарлығаш Әбдіжапарова мәлім етті, деп хабарлайды Azattyq Rýhy тілшісі.

«Апталық сырқаттанушылық 100 мың тұрғынға шаққанда 2,2 есе өсті, яғни 47,6-дан (972 сл.) 105,6-ға дейін (2156 сл.), инфекцияның берілу индексінің аясында 1,4-тен 2,5-ке дейін ұлғайды (1,8 есе). «Омикрон» штамына тән Алматы қаласындағы эпидемиологиялық процестің ерекшеліктері – аса жоғары жұқпалылығы (таралу коэффициенті 1:5), иммунитетке төтеп беру қабілеті, қайта жұқтыру қаупінің жоғарылауы және 20-30 жас аралығындағы азаматтардың зақымдануы байқалады», - деді бас санитариялық дәрігер.

Сондай-ақ, апта сайынғы сырқаттанушылық та, бұрын КВИ-мен ауырып сауыққан адамдардың қайта жұқтыру жағдайлары да күрт өскен. Симптомсыз нысандардың желтоқсан айындағы 6%-дан 11%-ға дейін ұлғаюы ауырғандарды уақытылы анықтауды және оқшаулауды қиындатып отыр.

«КВИ жұқтырғандардың үлес салмағы 20 жастан 40 жасқа дейінгі адамдар арасында 16,4%-ға және жасөспірімдер арасында 1,1%-ға күрт өсті, бұл да «омикрон» штамына тән. Мұның бәрі «омикрон» штамы халық арасында тез таралатынын және көп ұзамай «дельта» штамын алмастыратынын көрсетеді. Біз келесі КВИ толқынының шыңын осы жылдың наурыз айына болжап отырмыз», - деп мәлім етті Қарлығаш Әбдіжапарова.

×
Бұл желілік ресурстың ақпараттық өнімдері 18 жастан асқан адамдарға арналған.