Коронавирус пен пневмониядан елімізде бір тәулікте 37 адам қайтыс болды

10 шілдеде Қазақстанда коронавирус пен КВИ белгілері бар пневмониядан 37 адам қайтыс болды деп хабарлайды Коронавирустың таралуына жол бермеу жөніндегі ВАК.

Комиссияның мәліметінше, 10 шілдеде коронавирус ПЦР-тест арқылы анықталған 34 адам көз жұмған. Сондай-ақ, пневмониямен ауырып жатқан тағы үш адам да бақилық болды. Ол үшеуінен КВИ анықталмаған.

Ал, 12 шілдедегі жағдай бойынша елімізде 41 980 адам КВИ-ден емделіп жатыр (40 545 КВИ+ және 1 435 КВИ-). Олардың 13 568-і ауруханада жатса, 28 412 науқас үй жағдайында емделуде.

Сонымен қатар:

• 815 науқас – ауыр халде;
• 189 науқас – аса ауыр халде;
• 126 науқас – ИВЛ аппаратына қосылған