Лайықты болашақ – «Nur Otan» партиясымен бірге!

Жақсы өзгерістердің уақыты келеді. Оларды жүзеге асыруда ерекше орын алатын партия – ол «Nur Otan». Бұл туралы «Nur Otan» партиясынан Ақмола облыстық және Көкшетау қалалық мәслихатының депутаттығына үміткерлер «Орталық базар» сатушылары мен келушілері арасында болған кездесуде айтты.

Үміткерлер жиналғандарды партияның сайлауалды бағдарламасымен таныстырып, аймақтың даму перспективалары туралы айтып, 10 қаңтарда өтетін сайлауға келу арқылы азаматтық ұстанымдарын көрсетуге шақырды.

Ақмола тұрғындарымен кездесуді «Той Дастархан» ЖШС-нің директоры Елена Мащинская ашып, ол пандемияның қиын кезеңіне қарамастан, елде болып жатқан оң өзгерістерді атап өтті.

«Бізде Сіздермен бірге жасалатын әлі көп дүние бар. Біз осы қиын кезеңді бастан өткердік, бірақ өмір бір орында тұрмайды. Біз ұрпағымыздың жарқын болашағы үшін еңбек етуге тиіспіз» – деп айтты спикер.

Спикердің айтуынша, біздің уақытымыз қоғамдағы ең проблемалы сәттерді ой елегінен өткізуге және назар аударуға мүмкіндік берді. Бұл арада бәрі жақсы жағына өзгеруде. Көкшетауда көптеген нысан салынды. Оның ішінде «Болашақ сарайы», жағалаулар, жолдар, ауруханалар, мектептер, тұрғын үйлер, тағы басқалары қаламыздың көркіне айналуда. Көп балалы аналарға да үлкен көңіл бөлінуде.

Спикер атап өткендей, ең қиын кезеңде адамдарға мемлекет пен «Nur Otan» партиясы қолдау көрсетті. Атап айтқанда, көмекке мұқтаж көпбалалы отбасыларға партия мүшелерінен 50 мың теңге және мерекелік пакеттер табыс етілді.

«Бұдан да жақсы өмір сүрудің уақыты әлі алда. Мемлекет жоспарлаған міндеттерді «Nur Otan» партиясы әрдайым бақылауға алады. Бүгінде халық игілігі үшін істеп жатқан «Nur Otan» партиясының жұмысын бірде-бір партия істеп жатқан жоқ», – деп түйіндеді Е.Мащинская.

Спикердің сөзіне басқа депутаттыққа кандидаттар да қосылды. Сонымен, «Гормолзавод» ЖШС-нің директоры Әсен Жақсылықов аймақтық бизнестің жұмысы мен кәсіпкерлерге мемлекет тарапынан көрсетілетін қолдау мәселесіне тоқталды.

Кездесуден кейін жатақханада баласымен тұратын мүгедек жан әрі көпбалалы ана оған өз сұрақтарымен жүгінді. Болашақ халық қалаулысы өтініш білдіргендердің мәліметтерін жазып алып, олардың мәселелерін түсінуге және көмектесуге уәде берді.

Ақмола облыстық кәсіпкерлер қауымдастығының төрайымы Мәриям Әбішева кәсіпкерлік саласындағы мемлекеттік бағдарламалардың жүзеге асырылуы туралы айтты. Мәселен, биыл «Бастау Бизнес» бағдарламасы бойынша оқудан кейін ісін жаңа бастаған кәсіпкерлерге 555 мың теңгенің 108 гранты бекітілген.

Партия мүшелері жиналғандарға «Nur Otan» партиясының сайлауалды бағдарламасын таратып, 2021 жылы 10 қаңтарда өтетін сайлауға қатысу арқылы тағы да ақмолалықтарды белсенді азаматтық ұстаным танытуға шақырды.

«Nur Otan» партиясының Ақмола облыстық сайлау қорынан төленді