Астана мен Вьентьян арасында бауырластық байланыс орнайтын болды

Бүгін Ақордада Қазақстан мен  Лаос Халық Демократиялық Республикасының өкілдері бірқатар үкіметаралық құжаттарға қол қойды, деп хабарлайды Azattyq Rýhy.

Ақорданың мәліметінше, бүгін мынандай құжаттарға қол қойылған:

• Қазақстан Республикасы мен Лаос Халық Демократиялық Республикасы cыртқы істер министрліктері арасында саяси консультациялар туралы өзара түсіністік жөніндегі меморандум;
• Қазақстан Республикасы Бас прокуратурасы мен Лаос Халық Демократиялық Республикасы Жоғарғы халық прокуратурасы арасындағы өзара түсіністік туралы меморандум;
• Қазақстан Республикасы Жасанды интеллект және цифрлық даму министрлігі мен Лаос Халық Демократиялық Республикасы Ғылым және технологиялар министрлігі арасындағы ақпараттық-коммуникациялық технологиялар және электрондық мемлекеттік қызметтер саласындағы ынтымақтастық туралы өзара түсіністік жөніндегі меморандум;
• Астана мен Вьентьян қалалары арасында бауырластық байланыстар орнату туралы меморандум.