Тоқаев әйел әкімнің сөзінен кейін министр Мәдиевті орнынан тұрғызды (ВИДЕО)
Анықталғандай, ауыл әкімдері мемлекеттік дерек қорды көре алмай келген
Бүгін Астанада өткен ауыл әкімдерінің диалог-платформасында президенттің алдында бірнеше ауыл әкімдері сөз сөйлеп, мәселелерін айтты. Соның ішінде әкім Ирина Шишкина президентке ауыл әкімдеріне қатысты мәселені айтқан, деп жазады Azattyq Rýhy.
«Әкім Ирина Шишкина ауыл әкімдерінің мемлекеттік дерек қорларына қолы жетпей отырғанын айтты. Бұған неге жол бердіңіздер? Себебі неде? Бұған кім жауап береді?», - деген Тоқаев алдымен премьер-министрдің, кейін жауапты министрдің атын атады.
Дәлірек айтсақ, мемлекет басшысы осы салаға жауапты вице-премьер – Цифрлық даму министрі Жаслан Мәдиевті орнынан тұрғызып, аталған жағдайды түсіндіруді талап етті. артынан мәселені шұғыл шешуді тапсырды.
