Ақтаудың ең сұлу қызы анықталды (ВИДЕО)

Ақтауда өткен сұлулық сайысының жеңімпазы анықталды. Бұл атаққа 18 жастағы Іңкәр Ислам ие болды. Бұл туралы Azattyq Rýhy агенттігі Lada.kz-ке сілтеме жасап хабарлайды.

Байқауда 15 бойжеткен бақ сынады. Олар дефиле, таланттар шоуы және өзге де кезеңдерден өтті.

«Керемет әсер алдым! Бұл – сұлулыққа, эмоция мен ерекше әсерге толы оқиға болды. Байқау талантты әрі мақсатшыл қыздардың басын қосты, әрқайсысы өзінше ерекше. Осы сайыстың арқасында өз-өзіме сенімділігім артып, әр сәттен ләззат алдым. Бұл мен үшін алға ұмтылу әрі мотивация көзіне айналды», – деді Іңкәр Ислам.

Іңкәр дайындыққа аса жауапкершілікпен қарағанын атап өтті: жүрісін, сөйлеу мәнерін, шығармашылық нөмірін және сахнадағы келбетін мұқият пысықтаған.

«Біздің мақсатымыз – Ақтаудың заманауи қыздарының сұлулығын, өзіне сенімділігін және белсенді өмірлік ұстанымын көрсету. Бұл байқау жастарды шығармашылық дамуға, өзіне деген сенімін арттыруға жетелейді деп ойлаймыз», – деді ұйымдастырушылар.