Түтінге тұншығып қалды: өрт шыққан үйден бүлдіршіндер құтқарылды

Қарағанды қаласында өрт шыққан үйден бүлдіршіндер құтқарылды, деп хабарлайды Azattyq Rýhy.

ТЖМ өрт сөндірушілері қайғылы оқиғаның алдын алды.

Оқиға орнына құтқарушылар жедел жетті. Олар барған кезде тоғыз қабатты тұрғын үйдің тоғызыншы қабатындағы пәтерде матрас жанғаны анықталды. Салдарынан түтін бүкіл пәтерге тез таралып кеткен.

«Құтқарушылар есікті ашып, 7 және 3 жасар екі баланы қауіпсіз жерге алып шықты. Зардап шеккендер жоқ.

ТЖМ азаматтарды өрт қауіпсіздігі ережелерін сақтауға шақырады», - делінген ТЖМ хабараламасында.