Шымкентте полицей әйел адамды қағып кетті: ол оқиға орнында қаза тапты
Қайғылы оқиға бейсенбі күні болды
Шымкент қаласында 28 тамыз күні полиция қызметкері көлік жүргізіп келе жатып, әйел адамды қағып өлтірді, деп хабарлайды Azattyq Rýhy.
Қалалық Полиция департаментінің баспасөз қызметінің мәліметінше, қайғылы жағдай Желтоқсан көшесінде болған. Жаяу жүргінші ағаштардың арасынан ойламаған жерден жүгіріп шығып, жолды рұқсат етілмеген жерден кесіп өтпек болған.
«Аталған факті бойынша қылмыстық іс қозғалды. Алдын ала мәлімет бойынша, жүргізуші тарапынан жол қозғалысы ережелерін бұзу анықталған жоқ: ол мас емес және жылдамдық режимін сақтаған», – деп хабарлады полиция біздің агенттік тілшісіне берген түсініктемесінде.
Қазір кешенді тергеу іс-шаралары жүргізіліп жатыр, оның қорытындысы бойынша процессуалдық шешім қабылданады.
