Иран президенті: Израиль маған қастандық жасауға тырысты
Иран басшысы бұл туралы журналист Такер Карлсонға берген сұхбатында айтты
Иран президенті Масуд Пезешкиан Израиль тарапы оған қастандық әрекетін жасағысы келгенін, бірақ ол сәтсіз аяқталғанын мәлімдеді. Бұл туралы ол журналист Такер Карлсонға берген сұхбатында айтты, деп хабарлайды Azattyq Rýhy.
«Иә, олар әрекет етті, бірақ сәтсіз болды»
«Иә, олар (қастандық жасауға) әрекет етті, тиісті түрде әрекет жасалды, бірақ олар бұл жоспарларын жүзеге асыра алмады», – деді Иран президенті сұхбат барысында.
Оның айтуынша, қастандық әрекеті дайындалып жатқан сәтте, ол болашаққа бағытталған жоспарлар талқыланып жатқан жиналыста отырған.
«Сол сәтте Израиль жиналыс өтіп жатқан ауданға соққы жасауға әрекеттенген», – деді Пезешкиан.
Иран мен Израиль арасындағы шиеленіс: не себеп болды?
Қос мемлекет арасындағы қазіргі қақтығыс 2025 жылдың маусымында басталды. Израиль Иран аумағына зымыранмен соққы жасап, АҚШ бұл шабуылға қосылып, Ирандағы үш негізгі ядролық нысанға соққы берді.
Иранның жауабы: 550 баллистикалық зымыранмен шабуыл
Осы әрекетке жауап ретінде Иран Израильге 550-ден астам баллистикалық зымыран жіберді. Зымырандардың басым бөлігі ұсталып үлгергенімен, шабуыл салдарынан 28 адам қаза тапты.
