«Қыздар, қараңдар»: Көкшетауда ер адам жұрттың көзінше тыржалаңаш шешініп тастады (ВИДЕО)

Көкшетаудағы Қопа көлінде ер адам жұрттың көзінше шешініп, жалаңаш шомылмақ болды. Оның бұл әрекеті демалушылардың наразылығы тудырды, деп хабарлайды Azattyq Rýhy.

Оқиға видеоға түсіп қалды

Оқиға сәті Instagram-дағы «Svoi_kokshetau» парақшасында жарияланды. Куәгерлердің айтуынша, жағдай таңертең болған. Қыздар тобы масаң күйдегі бірнеше жігіттің жанынан өтіп бара жатқан.

«Бұл таңертең болды. Біз құрбыларымызбен масаң күйдегі бір топ жігіттің жанынан өтіп бара жаттық – олардың қолында бөтелкелер болды. Солардың бірі кенеттен өзінің мүшесін көрсетіп: «Қыздар, қараңдар» деп айқайлады. Шынын айтқанда, қарайтын ештеңе жоқ еді – тек жиіркеніш пен жағымсыз әсер қалдырды. Біз мұндай әрекетке қатты таңғалдық», – дейді оқиға куәгері.

Полиция не дейді?

Көкшетау қалалық полиция басқармасы бұл факті бойынша тексеру жүргізіліп жатқанын хабарлады:

«Қазіргі уақытта құқық бұзушының жеке басы анықталып жатыр», – делінген ресми мәлімдемеде.

Әлеуметтік желі қолданушылары қоғамдық орында орынсыз әрекет жасаған ер адамды жауапкершілікке тартуды талап етуде.