«Оны кешірдім бе, білмеймін»: Баян Мақсатқызы жүрегіндегі жара туралы ашық айтты (ВИДЕО)

Танымал продюсер Баян Мақсатқызы бұрынғы күйеуі Бақытбек Есентаевпен ара қатынасы туралы сөз қозғады, деп хабарлайды Azattyq Rýhy.

Ол экс-күйеуімен қазіргі уақытта мүлдем араласпайтынын ерекше айтып өтті.

«Мен ол кісімен араласпаймын. Бірақ балаларым араласып тұрады. Оны қанша рет айттым. Ондай керемет әкені көрген емеспін. Бәрі жақсы. Немересіне маған қарағанда көбірек барып тұрады. Немересі оны «ата» деп атайды. Қызымның айтуынша, сыйлықтарымен, жеміс-жидектерімен барып тұрады екен», - дейді Баян Мақсатқызы.

Ол сөзін жалғай отырып, Жанар Айжановаға берген сұхбатында бұрынғы күйеуімен болған оқиғадан кейін оны толықтай кешіргені немесе кешірмегені туралы қозғап өтті.

«Шынымды айтсам, бұл туралы ешнәрсе айта алмаймын. Маған өте қиын болды. Бізде ажырасу интеллигентті формада болса, басқаша болар ма еді. Оны толық кешіргенім немесе кешірмегенім туралы нақты ешнәрсе айта алмаймын. Ол сұрақтың жауабын өзім де әлі күнге дейін білмеймін. Оны әлі сезінген жоқпын. Ол туралы тіпті ойламаймын да. Мен ренішпен өмір сүрмеймін. Өзімнің ренішімді балаларыма, бұрынғы күйеуіме айтқым келмейді. Ол – менің жүрегімде тұрған нәрсе. Сол себепті бәріне шын жүрегіммен тек бақыт тілеймін!» - деді продюсер.

Айта кетейік, Баян Мақсатқызы қазіргі күйеуі Тұрсын Алагөзовпен алғашқы кездесуінен алған әсері туралы айтқан болатын.