Абай облысында көлік ағашқа соғылып, жүргізушісі көз жұмды

10 сәуір күні таңертең Абай облысындағы Семей-Бородулиха жолының 16-шақырымында адам шошырлық апат болды, деп хабарлайды Azattyq Rýhy.

33 жастағы Volkswagen Passat жүргізушісі таңғы сағат алтыда Семейден Бородулиха ауылына жолға шыққан. Жолда ол рульге ие бола алмай, жолдың шетіне ұшып кетті. Салдарынан орман алқабындағы ағаштарға соқтығысты. Оқиғадан ер адам сол жерде көз жұмды.

«Апат салдарынан жүргізуші алған жарақаттарынан оқиға орнында қайтыс болды. Осы факті бойынша сотқа дейінгі тергеу басталды», - деп хабарлады облыстық полиция.