Қызылордада бұрын ауыр қылмыс жасағандар адам өлтірмек болып қайтадан сотталып кетті

Қызылордада қала шетіне адам апарып өлтірмек болғандар бірнеше жылға сотталып кетті, деп хабарлайды Azattyq Rýhy.

«Қызылорда қаласының №2 соты 2023 жылдың желтоқсанында күш қолдану арқылы өз көлігінде облыс орталығының тұрғынын қала сыртына алып шығып, оған өлтіру қатерін төндірумен 1 миллион теңге талап еткен қылмыстық топтың 4 мүшесіне қатысты Республикасының Қылмыстық кодексінің 194-бабының 2-бөлімінің 1) және 2) тармақтарымен айыптау үкімін шығарды», - делінген облыстық прокуратура хабарламасында.

Облыс прокуратурасының үйлестіруімен қылмыстық топтың барлық мүшесі мен орналасқан жері анықталып, оларды ұстау шаралары қабылданды.

Барлық ұсталған тұлғалар бұрын ауыр қылмыстар жасағаны үшін сотты болған. Ұстау кезінде қылмыстық топтың бір мүшесінен атыс қаруы мен оған оқ-дәрілер табылып, алынды.

Сотпен 3 айыпталушыға 6 жылға бас бостандығынан айыру, ал қылмыстық топтың бір мүшесіне шынайы өкінуіне байланысты 3 жыл 6 айға бас бостандығынан айыру жазасы тағайындалды.