Доллар енді күн санап арзандап барады

Алматы мен Астанадағы ақша айырбастау пунктерінде 11 наурыз күні доллар 488 теңгеден сатып алынып жатыр, деп хабарлайды Azattyq Rýhy.

Kurs.kz мәліметінше, бүгінде Алматыдағы ақша айырбастау орындарында америкалық валюта 490-492 теңгеден, Астанадағы ақша айырбастау орындарында 494-495 теңгеден сатылып жатыр.

Дәл қазір Алматыдағы ақша айырбастау орындарында долларды сатып алудың орташа бағамы 488,77 теңгені, ал сату бағамы 491,28 теңгені құрап отыр. Астанадағы ақша айырбастау орындарында долларды орта есеппен 488,27 теңгеден сатып алып, 494,28 теңгеден сатып жатыр.

Ал 11 наурызда ҚР Ұлттық банкі доллардың ресми бағамын 494,84 теңге етіп белгіледі.