Қылмыстық-атқару жүйесі комитетінің төрағасы тағайындалды
Президент өкімі Ақорда сайтында жарияланды
Ішкі істер министрі Ержан Саденовтің жаңа орынбасары тағайындалды, деп хабарлайды Azattyq Rýhy.
Президент өкімі Ақорда сайтында жарияланды.
«Мемлекет басшысының өкімімен Абай Серікұлы Қайырбеков Қазақстан Республикасы Ішкі істер министрінің орынбасары – Қылмыстық-атқару жүйесі комитетінің төрағасы лауазымына тағайындалды», - делінген Ақорда хабарламасында.
Абай Қайырбеков 1975 жылы 29 мамырда Қарағанды облысында дүниеге келген.
Ішкі істер органдарында 1998 жылдан бері қызмет етеді. Еңбек жолын кәмелетке толмағандар ісі жөніндегі детектив болып бастаған. Одан кейін Қазақстан Республикасы Ішкі істер министрлігінің құрылымдық бөлімшелерінде әртүрлі қызметтерді (соның ішінде жедел қызметтерді) атқарды.
2011 жылдан бастап Ішкі істер министрлігінің орталық аппаратында басшылық қызметтерді атқарып келеді.
