Шымкентте өрттен жеті адам эвакуацияланды

Шымкентте алты қабатты тұрғын үйде болған өрттен жеті адам құтқарылды, деп хабарлайды Azattyq Rýhy ҚР ТЖМ баспасөз қызметіне сілтеме жасап.

Төтенше жағдай Әл-Фараби ауданындағы Анаров көшесінде орналасқан алты қабатты тұрғын үйдің екінші қабатындағы пәтерде болған.

«Оқиға орнына шұғыл жеткен өрт сөндірушілер өртті жылдам сөндіріп, көрші пәтерлерден жеті тұрғынды эвакуациялады. Зардап шеккендер жоқ. Қазіргі уақытта өрттің себебі анықталып жатыр», – делінген ведомство хабарламасында.

Құтқарушылар азаматтарды өрт қауіпсіздігі ережелерін қатаң сақтауға және төтенше жағдайлар туындаған кезде тез арада 112 нөміріне хабарласуға шақырады.