Ақмола облысында құтқарушылар бір уақытта екі өрт сөндірді

Ақмола облысының Қоянды ауылында қатарынан екі өрт оқиғасы болып, құтқарушылар жедел әрекет етті, деп хабарлайды Azattyq Rýhy Ақмола облысы Төтенше жағдайлар департаментінің баспасөз қызметіне сілтеме жасап.

«Целиноград ауданының Қоянды ауылында екі жерде өрт шыққан. Біріншісі — жеке тұрғын үйдің шатыры, ал екіншісі — шаруашылық құрылыста болған», — деп жазылған хабарламада.

Төтенше жағдайлар қызметкерлері оқиға орнына тез арада жетіп, өртті тоқтатты. Олар жалынның ары қарай таралуына жол бермей, материалдық шығынды барынша азайтты.

Өрт салдарынан ешкім зардап шеккен жоқ. Қазіргі уақытта өрттің шығу себептері анықталып жатыр.